Die Nata (Deel 1 - Onskuld)

Die wêreld van die Nata, speel 'n duisend jaar in die toekoms af. Alles het verander, tog herken jy die karakters. Hulle het vreemde name wat hulle uit die bodem van hulle kollektiewe geheue saamgeflans het. Na die groot verwoesting van die Aarde vroeg in die 21ste eeu van die OuEra, het daar net twee gemeenskappe oorgebly, die Buurte en die Bos. Die een groep se mense is vry om te kom en gaan soos hulle wil, hulle het net nie altyd die kans en die middele om weg te kom nie. Die ander gemeenskap se mense is nie vry nie, maar hulle invloedsfeer en reikwydte strek tot by die verste Ster in die Melkweg. Die Sterlinge het die Aarde 'n paar honderd jaar gelede ontdek en vinnig geleer dat Homo Sapiens 'n spesie is om mee rekening te hou. In DEEL 1 maak jy kennis met die Leviatan, wat self besluit haar naam is Nata.